«O‘ztemiryo‘lkonteyner» AJ matbuot xizmati fotosurati
Xitoy-Qirg‘iziston-O‘zbekiston-Tojikiston multimodal transport yo‘lagi bo‘ylab birinchi yuk poyezdi jo‘nab ketdi. Poyezd Lanchjou stantsiyasidan jo‘nab ketdi va Dushanbe-2 stantsiyasiga yo‘l oladi, deb xabar beradi O‘zbekistonning «O‘ztemiryo‘lkonteyner» aktsiyadorlik jamiyati matbuot xizmati.
Ta'kidlanishicha, ushbu aktsiyadorlik jamiyati Xitoyda tashkil etilgan UTK International Logistics qo‘shma korxonasining asoschilaridan biri bo‘lib, korxona Xitoyni Markaziy Osiyo bilan bog‘laydigan yo‘nalish bo‘ylab sinov poyezdini jo‘natdi.
Press-relizga ko‘ra, ushbu loyiha 2025 yilda Dushanbeda bo‘lib o‘tgan Qirg‘iziston, O‘zbekiston va Tojikiston prezidentlari uchrashuvida imzolangan mintaqaviy hamkorlikni chuqurlashtirish va aloqalarni rivojlantirish bo‘yicha kelishuvlar doirasida amalga oshirilmoqda.
Birinchi poyezd iste'mol tovarlari va qurilish texnikasini tashiydigan sakkizta qirq futlik konteynerlardan iborat. Yo‘nalishning umumiy uzunligi 3500 kilometrdan oshadi. Yo‘l vaqti 18-20 kundan oshmasligi kutilmoqda.
Ta'kidlanishicha, «O‘zbekiston temir yo‘llari»ning logistika tashabbuslarini qo‘llab-quvvatlashi tufayli ushbu multimodal yo‘nalishda tashuvchilar uchun tarif imtiyozlari yaratilgan. Bu kompaniyaning Xitoy va Markaziy Osiyo o‘rtasida barqaror va muntazam yuk poyezdlari qatnovini tashkil etishga tayyorligini tasdiqlaydi.
O‘tgan yil iyul oyida Xitoy rasmiylari o‘zlarining birinchi poyezdini Xubey provintsiyasining Uxan shahridan Xitoy-Qirg‘iziston-O‘zbekiston multimodal xalqaro yuk tashish yo‘nalishi bo‘ylab jo‘natgani haqida xabar berilgan edi. O‘shanda bu yo‘l Xitoyning yana bir mintaqasini ushbu logistika tarmog‘iga bo‘ylab Markaziy Osiyo respublikalari bilan bog‘lagani ta'kidlangandi.
