Nurlanbek Turg‘unbek uulu. Ijtimoiy tarmoqdagi fotosurat
Jog‘urgu Kenesh (Qirg‘iziston parlamenti) raisi Nurlanbek Turg‘unbek uulu o‘z ixtiyori bilan iste'foga chiqishini ma'lum qildi. Bu haqda 24.kg nashri xabar berdi.
Turg‘unbek uulu 2022 yili rais lavozimini egallaganini eslatib o‘tdi.
Turg‘unbek uulu napomnil, chto poluchil doljnostь spikera v 2022 godu.
«Shuni ta'kidlamoqchimanki, men hech qachon bir yoki ikki kishi uchun ishlamaganman, men har doim mamlakat va qirg‘iz xalqi manfaatlari yo‘lida ishlaganman. Shu vaqt ichida men mamlakatda muhim va zarur qarorlar qabul qilinishini ta'minlashga hissa qo‘shdim. Men hech qayoqqa ketmayman, men parlament deputati sifatida ishlashda davom etaman. Siyosiy barqarorlikni saqlash uchun biz fitnalarsiz ishlashni o‘rganishimiz kerak», — dedi Turg‘unbek uulu.
U kuni-kecha Turkiyadan qaytib kelganini va tashrif juda samarali bo‘lganini qo‘shimcha qildi.
Turg‘unbek uuluning iste'foga chiqishi mumkinligi haqidagi taxminlar 10 fevral kuni sobiq Bosh vazir o‘rinbosari va Qirg‘iziston Milliy xavfsizlik davlat qo‘mitasi rahbari Kamchibek Tashiyev lavozimidan ozod qilinganidan so‘ng paydo bo‘ldi. Biroq, parlament matbuot xizmati bu ma'lumotni rad etgandi.
