«Nasaf»- «Al-Shorta» o‘yinidan lavha. «Nasaf» matbuot xizmati fotosurati
9 fevral kuni Qarshining «Nasaf» klubi OFK Chempionlar ligasining yettinchi turida Iroqning «Al-Shorta» jamoasi bilan 1:1 hisobida durang o‘ynadi.
O‘zbekiston chempioni avvalgi oltita o‘yinda mag‘lub bo‘lgan va nol ochko bilan turnirdagi eng yomon jamoa bo‘lib qolgan, pley-offga chiqish imkoniyati yo‘q edi. «Al-Shorta» bir ochko bilan biroz yaxshiroq o‘ynadi. Biroq, ularda guruhdan chiqish uchun nazariy imkoniyat bor edi, buning uchun ular qolgan ikkita o‘yinda g‘alaba qozonishlari va raqiblarining yutqazishini kutishlari kerak edi.
Shu bilan birga, «Nasaf»ga strategik nuqtai nazardan g‘alaba yoki hech bo‘lmaganda durang ham kerak edi: Iroq OFK reytingida O‘zbekistonni quvib kelmoqda va mag‘lubiyat, bu ham yetmagandek «Al-Shorta»ning pley-offga chiqishi, ularning reytingdagi farqini yanada kamaytirishi mumkin edi.
Qarshi jamoasi 8-daqiqada Murodbek Rahmatov orqali hisobni ochdi. «Nasaf» bir soatdan ko‘proq vaqt davomida oldinda bo‘ldi, ammo Sharif Abd Al-Katem 69-daqiqada hisobni 1:1 ga tenglashtirdi.
«Nasaf» turnirdagi birinchi ochkosini qo‘lga kiritdi, ammo oxirgi o‘rinda qoldi. «Al-Shorta» pley-offga chiqish imkoniyatini boy berdi.
16 fevral kuni bo‘lib o‘tadigan so‘nggi turda «Nasaf» BAAning «Sharja» jamoasi bilan o‘ynaydi.
