pole.rf sayti fotosurati
Misrning Nile Sugar kompaniyasi Jizzax viloyatida shakar lavlagi yetishtirish va qayta ishlash zavodi qurish loyihasiga taxminan 450 million dollar sarmoya kiritadi. Loyiha shu yilning mart oyida boshlanishi kutilmoqda. Markaziy Osiyo respublikasi Investitsiyalar, sanoat va savdo vazirligi (ISSV) rahbari Laziz Qudratov xorijiy hamkorlarning rejalari haqida gapirib berdi, deb xabar beradi «Gazeta.uz» nashri «O‘zbekiston 24» telekanaliga tayanib.
Mulozimning so‘zlariga ko‘ra, shakar zavodi ishga tushirilgandan so‘ng yiliga 200 ming tonnagacha shakar ishlab chiqaradi.
Shu bilan birga, O‘zbekiston Qishloq xo‘jaligi vaziri Ibrohim Abdurahmonov prezident Shavkat Mirziyoyev mamlakatga loyihani amalga oshirishni tezlashtirish bo‘yicha ko‘rsatma berganini va bu jarayonni alohida nazoratga olganini ta'kidladi. Vazirning so‘zlariga ko‘ra, barcha zarur hujjatlar to‘ldirilgan, yer uchastkalari ajratilgan va Misr kompaniyasi investitsiyalari tayyor.
Ta'kidlanishicha, 2024 yili Qishloq xo‘jaligi vazirligi xorijiy hamkorlar bilan shakar ishlab chiqarish bo‘yicha hamkorlik o‘rnatilishini ma'lum qilgan edi. Shu munosabat bilan Jizzax viloyatining G‘allaorol va Forish tumanlarida 50 000 gektar yer qand lavlagi yetishtirish uchun, 170 gektar yer esa qayta ishlash zavodi qurish uchun tanlangan.
Yaqinda ISSV matbuot xizmati vazirlik rahbari Laziz Qudratov va Nile Sugar bosh direktori Emad Farid o‘rtasidagi muzokaralar bo‘lib o‘tganihaqida xabar berdi. Uchrashuv natijasida qo‘shma loyihalarni amalga oshirish bo‘yicha protokol imzolangan. Xususan, hujjatda aniq parametrlar, moliyalashtirish shartlari va amaliy hamkorlikni kengaytirish bo‘yicha keyingi qadamlar bo‘yicha kelishuvlar belgilab qo‘yilgan.
Bu tashabbusning dolzarbligi ko‘plab oziq-ovqat ishlab chiqaruvchilari respublikaga shakarni yuqori narxda import qilishga majbur bo‘layotgani bilan izohlanadi. Bundan tashqari, ushbu mahsulotga aktsiz solig‘i 2021 yilda 20% miqdorida belgilangan va shu davrdan boshlab nol bojxona solig‘i ham bekor qilingan. O‘tgan yili Mirziyoyev import qilingan oq shakarga aktsiz solig‘ini bekor qilish to‘g‘risida farmon chiqargan edi, ammo bojxona yig‘imi hanuzgacha amalda.
Shu bilan birga, mamlakatda shakar ishlab chiqarish kamayib bormoqda. Milliy statistika qo‘mitasi ma'lumotlariga ko‘ra, 2025 yilning birinchi yarmida 165 500 tonna shakar ishlab chiqarilgan, 2024 yilning dastlabki olti oyidagi 227 800 tonna va 2023 yili 332 600 tonna ishlab qicharilgan edi.
ℹ️ Nile Sugar kompaniyasi Orascom Group xoldingi tarkibiga kiradi va Misrdagi eng yirik shakar ishlab chiqaruvchi hisoblanadi.
