Qanibek Do‘smambetov va Gulzat Isamatova
Qirg‘iziston prezidenti Sadir Japarov ikkita vazirlik rahbarlarini tayinlash to‘g‘risidagi farmonlarni imzoladi. Qanibek Do‘smambetov Sog‘liqni saqlash vaziri etib tasdiqlandi, Gulzat Isamatovani Fan, oliy ta’lim va innovatsiya vaziri vazifasini bajaruvchi etib tayinladi.
Do‘smambetov 1979 yilda Norin shahrida tug‘ilgan va 1999 yilda Qirg‘iziston Davlat qurilish, transport va arxitektura universitetining Xalqaro iqtisodiy munosabatlar fakultetini tamomlagan.
2001 yildan 2017 yilgacha u milliy xavfsizlik idoralarida xizmat qilgan. Keyinchalik Davlat milliy xavfsizlik qo‘mitasi (MXDQ) Issiqko‘l tumani bo‘limini boshqargan.
2018 yildan 2020 yilgacha Do‘smambetov MXDQ Korrupsiyaga qarshi kurash departamentini boshqargan, keyin qo‘mitaning Korrupsiyaga qarshi kurash xizmati direktori o‘rinbosari va MXDQning 6-bo‘limi boshlig‘i bo‘lgan. So‘nggi ikki yil ichida, Sog‘liqni saqlash vazirligiga tayinlanguniga qadar, u maxsus xizmatlarning Jalolobod departamentini boshqargan. 1 dekabrdan boshlab u Sog‘liqni saqlash vaziri vazifasini bajaruvchi lavozimida ishlagan.
Gulzat Isamatova 1983 yilda tug‘ilgan va Bishkek gumanitar universiteti, Tashqi ishlar vazirligining (TIV) Diplomatik akademiyasi va Huquq akademiyasida tahsil olgan. U Osiyo tadqiqotlari, siyosatshunoslik va xalqaro munosabatlar bo‘yicha mutaxassislikka ega. 2023 yilda u siyosatshunoslik bo‘yicha doktorlik darajasini olgan. 2025 yilda Isamatova siyosatshunoslik bo‘yicha dots.nt unvonini olgan. U to‘rt tilda: qirg‘iz, rus, ingliz va xitoy tillarida so‘zlashadi.
2024 yili Isamatova olti hafta davomida Ta’lim va fan vazirining maslahatchisi bo‘lib ishlagan. So‘nggi tayinlanishidan oldin u Bishkek davlat universitetida xalqaro aloqalar va investitsiyalar bo‘yicha prorektor lavozimida ishlagan.
