Ali Aliyev. inbusiness.kz
Qozog‘iston futbol federatsiyasi (QFF) milliy terma jamoa bosh murabbiyi Ali Aliyevning iste’fosini ma’qulladi.
«Seriy kardinal» TG-kanali xabariga ko‘ra, bu qaror QFF ijroiya qo‘mitasi yig‘ilishida qabul qilingan, federatsiya rahbariyati mutaxassis hisobotidan qoniqmagan.
Aliyev Qozog‘iston terma jamoasi Belgiya terma jamoasidan 0:6 hisobida mag‘lub bo‘lganidan so‘ng, jahon chempionati saralash bosqichida iste’foga chiqish haqida bayonot bergan. Qozog‘iston terma jamoasi Aliyev boshchiligida jami 6 ta o‘yin o‘tkazib, 5 tasida mag‘lub bo‘lgan va bittasida g‘alaba qozongan. Shu bilan birga, mutaxassis rossiyalik Stanislav Cherchesovga vaqtinchalik o‘rinbosar sifatida qabul qilingan, uning qo‘l ostida qozog‘istonliklar 7 ta o‘yindan 6 tasida mag‘lub bo‘lishgan va birorta ham gol o‘rishmagan.
«Farg‘ona» xabariga ko‘ra, bosh murabbiy lavozimiga xorijlik mutaxassislar, jumladan slovakiyalik Vladimir Vayss, bolgariyalik Stanimir Stoilov, shuningdek, «postsovet hududi mutaxassisi» ko‘rib chiqilmoqda.
ℹ️ Ali Aliyev — Olmaota futbolida tarbiya topgan. Futbolchi sifatida Qozog‘iston va Turkiya klublari hamda Qozog‘iston terma jamoasida o‘ynagan. U murabbiylik faoliyatini «Ordabasi»da boshlagan, so‘ng «Qizil-Jar», «Shaxtyor» va «Astana» dubl jamoasini boshqargan. 2022 yili «Qizil-Jar»ga qaytib, shu yilning yanvarigacha klubda ishlagan.
